Жыл сайынғы Coursera конференциясында Қазақстан Республикасы Ғылым және жоғары білім министрлігі мен министр Саясат Нұрбек беделді халықаралық Learning Hero Award сыйлығымен марапатталды. Бұл марапат цифрлық білім беру құралдарын жоғары деңгейде енгізетін және бүкіл елдер мен салалардың білім беру ландшафтын өзгертетін ұйымдар мен көшбасшыларға беріледі.
Стэнфорд университетінің профессорлары жасаған Coursera платформасы бүгінде бүкіл әлем бойынша 77 миллионнан астам пайдаланушыны біріктіреді. Ол жетекші университеттердің курстарына қол жеткізуді қамтамасыз етеді - Йель, Беркли, Колтех және т.б. ҚР ҒЖБМ бастамасының арқасында қазақстандық жоғары оқу орындарының студенттері Coursera бағдарламасында тегін білім алу мүмкіндігіне ие болды.
Қозыбаев университеті бұл бағдарламаға белсенді түрде қосылды:- өткен оқу жылында университет студенттерінің 100%-ы жасанды интеллект саласындағы құзыреттерді дамытуға бағытталған AI-Sana бағдарламасы бойынша оқуды аяқтады.- 2200-ге жуық студент Coursera сертификаттарын алды, бұл олардың білімі мен дағдыларын айқындайды.
Платформа университет оқытушыларының курстарын ұсынады. Осылайша, профессор, экономика ғылымдарының кандидаты, «Экономика, есеп және қаржы» кафедрасының меңгерушісі Дінмұхаммед Шайкиннің «Талдау, модельдеу және болжау» курсы халықаралық кең аудиторияға қолжетімді болды.
Жаһандық Coursera платформасына қатысу студенттер мен оқытушылар үшін жаңа мүмкіндіктер ғана емес, сонымен қатар Қозыбаев университетіндегі цифрлық білім беруді жаңғырту жолындағы маңызды қадам болып табылады. Біз ҚР Ғылым және жоғары білім министрлігіне студенттер мен оқытушыларға қолдау көрсеткені үшін алғысымызды білдіреміз.
Фотосуреттерді ҚР ҒЖБМ баспасөз қызметі ұсынды
